Rais wa Tanzania, Dkt. Samia Suluhu Hassan, amekuwa akiwaapisha Mabalozi Wateule leo Agosti 16, 2023, katika Ikulu ya Chamwino, Dodoma. Katika hotuba yake, ametoa maoni kuhusu utendaji wa baadhi ya Mabalozi, akisema kuwa wapo wanaoonekana kutowajibika kwa ufanisi.
Amesema, “Kuna baadhi ya Mabalozi wetu, ni kama hawajui wanachokifanya. Wapo tu. Nilikutana na Rais mwenzangu ndani ya Nchi za Afrika, ndani ya Jumuiya ya Maendeleo Kusini mwa Afrika (SADC), akanieleza kuhusu Balozi aliyenitumia. Alisema hahudhurii mikutano, hafanyi kazi kwa ufanisi. Hata hivyo, nimechukua hatua na kumweleza kuwa tutachukua hatua za kuboresha.”
Ameelezea kuwa baadhi ya Mabalozi wanakuwa wakionekana wakati Ujumbe wa Tanzania unapokwenda katika nchi husika au wakati wa siku za kitaifa za nchi hizo. Amesema, “Labda tuwe na tukio la kero au Watanzania wakafanya fujo, ndipo utaona taarifa ya Balozi. Lakini kwa mambo mengine, hauoni.”
Rais Samia amesisitiza pia kwamba inawezekana aina ya Mabalozi wanaoteuliwa inaweza kuathiri utendaji. Amesema hivi karibuni aliunda Kamati ili kufanyia tathmini Wizara ya Mambo ya Nje na Ushirikiano wa Afrika Mashariki na kuja na mapendekezo ya kuboresha utendaji. Ripoti hiyo inaendelea kufanyiwa kazi na anatarajia itasaidia kurekebisha utendaji wa Wizara hiyo.