Wachezaji wawili wa Raga wamehukumiwa kifungo cha miaka 15 jela kila mmoja baada ya kupatikana na hatia ya ubakaji wa genge.
Wawili hao wa Alex Mahaga na Frank Wanyama walipatikana na hatia ya kumbaka mwanamuziki Wendy Kemunto mwaka jana katika Makao ya Highrise Estate. Hii inakuja licha ya upande wa utetezi kuomba adhabu isiyo na Kifungo.
Korti iliambiwa kwamba wachezaji hao wawili wa Harlequin FC Kenya, walimnajisi mwimbaji huyo usiku kucha kwenye siku ya kuzaliwa kwake katika Makao za Seefar huko Highrise, Nairobi, mnamo Februari 10 mwaka jana.
Kwa kuwa hukumu hiyo ilisomwa bila wanahabari, wakili wao Wafula Simiyu aliiambia Gazeti la The Star kuwa hakimu mkuu Martha Mutuku alisema alikwenda na Matukio kulingana na washtakiwa.
“Katika uamuzi wake, hakuna mtu aliyekuwepo nyumbani isipokuwa hao watatu. Kitendo cha mtuhumiwa kufuta mkanda wa tendo hilo ni ishara ya hatia kwa upande wa mshtakiwa, “Simiyu alisema.
Simiyu alisema Hakimu mkuu Mutuku alipata ushuhuda wa mwanamuziki huyo aliyenajisiwa ukiwa na ushawishi zaidi kuliko ile ya mshitakiwa. Wakili huyo aliongezea kwamba hakimu alishikilia kwamba hakukuwa na ishara yoyote ya makubaliano ya kufanya tendo lile.
Mwezi uliopita, polisi walimtafuta mmoja wa washtakiwa hao Mahaga, baada ya kushindwa kufika kortini kwa siku mbili mfululizo kwa uamuzi. Mutuku alikuwa tayari kutoa uamuzi wake mnamo Julai 12 lakini mchezaji wa Kenya Harlequin alikosa kujiwakilishambele ya mahakama.
Hii iliilazimu mahakama kuaihirisha uamuzi huo hadi Ijumaa alasiri huku upande wa mashtaka ukiomba hati ya kukamatwa kwa Mahaga baada ya kutohudhuria mahakama kwa mara ya pili.
Akijitokeza kortini mnamo Julai 17, Mahaga kupitia wakili wake, alifikishwa kortini na kusema alikuwa mgonjwa.
Kupitia wakili wao wawili hao wameeleza wanaazimia kukata Rufaa.