Makamu Mwenyekiti wa Jubilee David Murathe amejisifu kwa kumng’oa Naibu Rais William Ruto kutoka kwa chama tawala.
Na katika hali ya kushangaza ambayo labda ingeashiria mzozo ndani ya chama cha Rais Uhuru Kenyatta, Murathe pia amedokeza kwamba hivi karibuni ataacha jukumu lake katika chama.
Yeye mara kwa mara amedai kuwa naibu rais ni fisadi na hafai kumrithi bosi wake.
“Kazi yetu ilikuwa kuwafurusha nje wale ambao hawaamini katika ndoto ya chama. Nina furaha wamepata nyumba iitwayo UDA (United Democratic Alliance). Kazi yetu imekamilika, ”alisema Murathe kwenye mahojiano na NTV.
Murathe pia anasema kazi yake iliyobaki itakuwa kuhakikisha kuwa Ruto huyo hayapendwi katika Mlima Kenya.
Ruto amethibitisha hadharani atatafuta urais kwa tikiti ya UDA ikiwa ‘mambo katika Jubilee hayatabadilika’.