Mwandishi wa habari wa televisheni ya Citizen, Yvonne Okwara, alifichua kwamba hivi karibuni aliwafukuza timu ambayo ilidai ilikuwa na kandarasi ya kufanya Sensa ya Kitaifa ya Wananchi na Makazi ya Mwaka wa 2019.
Akiongea Alhamisi, wakati akisoma taarifa za habari alipomkaribisha Mkurugenzi wa KNBS anayesimamia Idadi ya Watu na Takwimu za Jamii Macdonald Obudho, Yvonne alifafanua kukutana na timu ya sensa.
“Waliokuja kwa jirani yangu hawakuwa na koti ya kuakisi wala beji. Kwa kweli majirani wangu wamekuwa wakitizama televisheni na tuliwafukuza kwa sababu hatukujua hao ni kina nani, “alisema.
Obutho alibaini kuwa kulikuwa na zoezi la kuorodhesha, inayoitwa utangulizi, ambayo ilianza Alhamisi na imepangwa kumalizika Jumapili.
Kusudi la zoezi hilo, kulingana na Obutho, ni kwa maafisa wa sensa kubainisha idadi ya wamiliki wa nyumba katika eneo lililopewa kabla ya hesabu halisi.
“Faida ya hiyo ni kutusaidia kujua jinsi maafisa wa sensa watakavyo gawanyika,” alisema.
Hata hivyo, alifafanua kwamba afisa yeyote wa sensa anayetembelea maeneo ya makazi anapaswa kuwa na kitambulisho sahihi