Kifo ya kusikitisha cha mkurugenzi mtendaji wa Safaricom Bob Collymore imewapata wengi kwa njia ya kushangaza.
Wengi wa Wakenya wamemwaya mwaya ujumbe zao za pole na kusherehekea nyakati walizopata kuongea na Bob Collymore aliyeaga dunia hapo jana kwa saratani ya damu aina ya Leukemia.
“Sijawahi kuona mtu yeyote aliyejipanga kwa kifo kama hivi,” haya ni maneno ya mwanahabari mashuhuri Jeff Koinange.
Jeff, ambaye alikuwa rafiki wa karibu na Collymore, alifichua kwamba alipata muda wa kuongea kwa ufupi na Mkurugenzi Mtendaji siku ya Jumamosi, siku mbili kabla ya kufa kwake.
“Tulijua kwamba hii ilikuwa inakuja; Bob alikuwa ametuambia. Kwa hiyo tulijua kwamba hakuwa na muda mrefu sana. Alikuwa ameambiwa na madaktari wake asiweze kufanya mipango yoyote ya muda mrefu. Kwa kweli, aliambiwa kwamba ikiwa atafanikiwa kuishi mwezi Julai, atakuwa na bahati, “alisema Jeff.
Kama basi ilivyotabiriwa na madaktari wake, Bob Collymore hakuona jua siku ya jana tarehe moja mwezi huu wa saba kwake nyumbani.
Kwa wakati waliokuwa pamoja, Jeff alisema Collymore alikuwa na matumaini makubwa, ingawa kulikuwa na maumivu. Mgongo wake ulikuwa unampa shida na aliendelea kusimama ili kunyoosha.
“Aliendelea kusema, tazama, nimeishi maisha mazuri. Nina majuto fulani; sio maisha kamilifu, hakuna mtu mkamilifu, lakini niko tayari sasa, nimesha jitayarisha “,” alikumbuka Jeff wakati wa mahojiano ya asubuhi kwenye televisheni ya Citizen.
Jeff alisema alikuwa pamoja na marafiki wachache. Mkurugenzi Mtendaji hata akatembea nao kwenye sehemu ya maegesho na walifanya mipango ya kumtembelea tena.
Kwa Collymore, hata hivyo, kansa haikuwa tatizo. Tatizo lilikuwa ni muda gani itachukua ugonjwa kuondelewa. Miezi tisa! Hii ilimkasirisha.
Nilidhani, wewe ni wazimu? Kuna kampuni inayopaswa kusimamiwa nyumbani, na kuna familia na shughuli, “alisema Collymore, akielezea majibu yake wakati madaktari walimpasha kuhusu kansa katika hospitali ya London.
Hii ilitokea mwaka wa 2017 ikienda kuisha na shughuli za uchaguzi ilikuwa miongoni mwa sehemu amabyo kampuni ilitaka kujihusisha na masuala mengi kama kampuni.
Bob Collymore alipoenda London, alipata kuwa alikuwa na saratani ya miezi sita kitu ambacho hakuwahi jua japo alikuwa amefanyiwa uchunguzi hospitali ya Nairobi.
Wakati wa mahojiano ya jana, Jeff alisema kuwa Collymore alikuwa hivi karibuni nafsi yake ilikuwa imedhoofika.
“Kwa kweli, wiki chache zilizopita, mke wake Wambui alituuliza sisi kadhaa kuchangia damu. Damu yake ilikataa. Alivuja damu kwa mapua, “Jeff alisema.
Lakini Collymore alikuwa tayari kwa ajili ya kifo. Alikubali wakati wa mahojiano na Jeff kwamba kuwa na ugonjwa wa leukemia hakukumkasirisha sana.
Collymore alisema kama hakutafuta maoni ya pili, angekufa mnamo Desemba 2017.